PromesoBanko Usono
Mi tion faros, sed nur se vi helpos

Promeso “ITV2000”

"Mi promesas pagi EUR 0,50 monate dum almenaŭ unu jaro al ITV (internacia.tv) sed nur se 2000 aliaj personoj promesas fari same."

— Aaron IRVINE (kontakti)

Findato por subskriboj: la 31-a de Decembro 2006
66 personoj subskribintaj, ankoraŭ 1934 estis bezonataj

Pli da detaloj
ITV ( Internacia Televido http://internacia.tv ) estas interreta televido en Esperanto. Ĝi jam elsendis diversajn programerojn inter novembro 2005 kaj aprilo 2006, sed nun nur povas daŭre elsendi, se regule alvenas mono (1000 eŭrojn monate).

Nur duona eŭro monate estas vere malmulte, do ek, multaj Esperantistoj subskribu sen peza financa risko.

Ligoj al aliaj promesoj por ITV estos ĉe http://lingvo.org/tv - ankaŭ ili estas subtenindaj.

Komentoj pri tiu ĉi promeso

• Gratulon, Aaron, pro elstara elpensaĵo.
  Norman Darlington, antaŭ 2 jaroj. Ĉu fia? Raportu ĝin!
• Mi apogas chi tiun promeson, sed malgrau la bona intenco, mi dubas chu ghi sukcesos revenigi ITV-n. Unue la limdato estas 31a de decembro. Chu ITV povas atendi ghis tiam ?
  
  Due la nombro da promesantoj postulataj estas tre alta. Chu estas en la mondo 2000 homoj, kiuj estas esperantistoj, KAJ uzas interreton KAJ sciis pri la promeso KAJ volas donaci monon ?
  
  Pro tio mi subskribas ankau alian promeson kiu finighos en la fino de MAJO 2006, kiu serchas nur 50 donacemuloj kiuj kontribuos per 10 euroj monate.
  http://www.eo.pledgebank.com/ITVsubteno
  
  Kaj mi invitas vin chiuj ankau subskribi ghin.
  
  Amike, Emilio Cid.
  Emilio Cid, antaŭ 2 jaroj. Ĉu fia? Raportu ĝin!
• Dekduoble 0,50 EUR estas 6,00 EUR monate = nur unu pico dum una tuta jaro! Kion vi atendas? Subskribu tuj, kaj diskonigi ĉi tiun promeson! :-)
  Anĉjo Pac-Hor-ano, antaŭ 2 jaroj. Ĉu fia? Raportu ĝin!
• La iniciato estas laudinda, sed kiel la praktika kialo!? Ech la tutjaran subtenon 12x0,5 EURO ne estas favora ghiri po subtenantoj pro la bankaj kostoj. Estus inda organize fari la ghiradon. Eble mem la UEA entreprenus, pere de la landaj perantoj kolekti kaj ghiri la monojn.
  Pro misklako mia nomo ne estas legebla en la listo de subskribintoj.
  
  Saluton, Kristály Tibor
  KRISTÁLY Tibor, antaŭ 2 jaroj. Ĉu fia? Raportu ĝin!
• Ekzemple en mia lando (Ĉeĥio) mi faris tiel, ke propinis al ĉiuj subskribintoj/ontoj, ke se la promeso sukcesos, mi pretas kolekti de ili la monon ŝtatnivele kaj poste ĝiri la sumon per mia UEA-konto al ITV. Certe ankaŭ aliaj povas fari simile kaj tiel eviti ajnajn bankokostegojn. Krome, en multaj landoj ekzistas eĉ jam nun oficialaj UEA-perantoj. Jen listo:
  http://www.uea.org/alighoj/perantoj.html
  La personaj UEA-kontoj estas ankaŭ tre utila aĵo, sed bedaŭrinde apenaŭ iu scias pri ili. Jen informo:
  http://www.uea.org/agadoj/personaj_konto...
  Marek Blahuš, antaŭ 2 jaroj. Ĉu fia? Raportu ĝin!
• Mi ne scias kio estas pli aŭdaca -- esperi sukceson por ITV, aŭ esperi trovi 2000 personojn, kiuj pretas pagi, eĉ nur pageti, por tio!
  
  AL ĈIU APOGANTO DE TIU ĈI PROMESO: Se vi intencas ĉeesti la Universalan Kongreson (mi bedaŭrinde ne povas ĉi jare) vi kunportu amason da afiŝoj kaj flugfolioj (vidu la ligilon "Presi adaptitajn flugfoliojn" supre de tiu ĉi paĝo, en la flava rektangulo). Disdonu ilin libere, kaj priparolu la promeson al ĉiuj.
  
  Se vi povus ankaŭ kunporti interret-konektitan tekkomputilon kaj tuj subskribigi personojn, la rezultoj estus dekoble pli imponaj.
  Tim Morley, antaŭ 2 jaroj. Ĉu fia? Raportu ĝin!
• Mi tre dubas, ke 2000 esperantistoj ecx vizitos tiun cxi pagxon. Mi persone pagus monate, ekzemple, 2-3 eurxojn, se tio garantius cxiaman ekziston de ITV. Tiam suficxus nur 500 similaj promesoj. Se trovigxus iu, kiu volonte pagus 10 aux 20 eurojn, tiam des pli ITV estus savita. Sed kun la nuna teksto gxi jam nun, laux mi, estas kondamnita perei pro manko de mono. (Cetere, oni jam diris antauxe, ke 2000 esperantistoj cxi-okaze estas tro multe.)
  Mihxail Povorin, antaŭ 2 jaroj. Ĉu fia? Raportu ĝin!
• Tutcerte estas ia problemo 'ce la kalkulilo...
  Mia edzino aperis sur la listo, mian nomon ne aperigis la komputilo.
  Mi ne kredas, ke nur 52 esperantistoj volus apogi la Internacian Televidon.
  Amike
  Ludoviko Moln'ar
  Budape'st
  Ludoviko Molnar, antaŭ 2 jaroj. Ĉu fia? Raportu ĝin!
• Al Ludoviko:
  Dankon pro la atentigo, sed laŭ nia scio, ne estas problemo pri la kalkulilo. Vi devas uzi malsaman retadreson ol via edzino se vi ambaŭ volas subskribi la promeson.
  
  Al Miĥail:
  Oni rajtas dubi pri la celo de 2000 personoj, sed oni ankaŭ rajtas helpi! Diskonigu la promeson dum la UK -- ja estos pli ol 2000 esperantistoj tie, ĉu ne?
  
  Al ĉiuj:
  Se vi pretus helpi per disdonado de flugfolioj kaj surmurigo de afiŝoj pri la promeso ĉe la Universala Kongreso en Florenco, BONVOLU ANONCI TION, aŭ ĉi tie per publika komento, aŭ en privata mesaĝo al team@pledgebank.com.
  
  Antaŭdankon pro tiu helpo.
  Tim Morley, antaŭ 2 jaroj. Ĉu fia? Raportu ĝin!
• Al KRISTÁLY Tibor:
  ITV ja havas konton ĉe UEA, do estas facile pagi trans UEA al ili de multaj landoj.
  
  Vi pravas, ke pagoj de €0.50 estus evitinda pro bankokostoj, sed unu pago je la komenco de januaro de €6 devus esti ebla, ĉu ne?
  Tim Morley, antaŭ 2 jaroj. Ĉu fia? Raportu ĝin!
• Mi esperas ke ĝi sukcesu sed estus plejbone ke estu almenaû 2 euroj monate, anstataû 0,50 eurojn.
  http://tioestasinteresa.blogspot.com
  Juancarlos G.E., antaŭ 2 jaroj. Ĉu fia? Raportu ĝin!